ПОБЕДИТЕЛИ ПРЕСС-ФОТО БЕЛАРУСИ 2015

Гран-при

Максім Сарычаў

«598 скрадзеных дзён». Серыя названая па колькасці дзён, якую правялі ў пастарунках затрыманыя падчас Чэмпіяната свету па хакеі 2014 у Беларусі.

Напярэдадні Чэмпіяната свету па хакеі 2014 гады па ўсёй Беларусі было арыштавана больш за 300 чалавек: грамадзянскія і сацыяльныя актывісты, валацугі, прастытуткі. Па выстаўленых абвінавачаннях суд выносіў прысуды на тэрміны ад тыдня да месяца.

Праект пра тое, што прапусцілі людзі, трапіўшы ў турму. Штодзённае жыццё, каханыя людзі і сябры, планы, штодзённыя дробязі, радасці і засмучэнні ў адзін момант засталіся на волі і ва ўспамінах. Рэальнасць звузілася да пракуранай камеры са зламаным унітазам, брудным матрацам, гарбатай у алюміневым кубку, чаканнем лістоў і дня вызвалення.

Навіны (сiнглы)
News (singles)

І месца, Сяргей Балай

1 лістапада ў Мінску адкрыўся XXXV з’езд Саюза камуністычных партый. Мінск быў абраны для правядзення юбілейнага з’езду, бо менавіта тут адбыўся першы з’езд РСДПП. У мерапрыемстве прынялі ўдзел сямнаццаць камуністычных партый. Паседжанне адкрыў Генадзь Зюганаў кіраўнік-чалец Цэнтральнага камітэта Камуністычнай партыі Расійскай Федэрацыі.

2 месца, Кірыл Хілько

Былы палітвязень і лідар беларускай апазіцыйнай моладзевай арганізацыі «Малады Фронт» Зміцер Дашкевіч падчас чакання суда гутарыць са сваёй жонкай праз шкло міліцэйскага аўтамабіля. Зміцер быў затрыманы 2 сакавіка 2014 году каля амбасады Расіі ў Беларусі за спробу арганізаваць мітынг супраць расійскай ваеннай агрэсіі ва Украіне. Фота было зроблена ў якасці ілюстрацыі да рэпартажу пра суд над палітычнымі актывістамі. Мінск, Беларусь. 3 сакавіка 2014

3 месца, Сяргей Серабро

Грамадскасць Віцебска развітваецца з вядомым паэтам Давідам Сімановічам ля морга на ўскрайку горада, бо гарадскія ўлады так і не далі памяшканне для жалобнай цырымоніі. Віцебск, Беларусь. 11 траўня 2014

Спецыяльная адзнака журы, Уладзімір Грыдзін

Калегі загінулай журналісткі Веранікі Чаркасавай каля яе магілы на ўгодкі яе смерці. Мінск, Беларусь. 20 кастрычніка 2014

Навіны (серыі)
News (series)

1 месца, Сяргей Балай

Дзень перамогі 9 траўня 2014 году ў Мінску супаў з пачаткам чэмпіяната свету па хакеі. У беларускую сталіцу прыехала шмат турыстаў і заўзятараў з Расіі, якія жадалі прыняць удзел у святочным парадзе, арганізаваўшы калону пад расійскімі сцягамі. Беларуская міліцыя не дазволіла ім гэтага зрабіць, але ўсё адно на свяце бясплатна раздавалі так званыя «георгіеўскія» стужачкі і расійскія сцягі, што выклікала захапленне далёка не ва ўсіх беларусаў, на фоне падзей, якія адбываліся ў той час ва Украіне. Мінск, Беларусь. 9 траўня 2014

2 месца, Аркадзь Собалеў

Спецназ і курсанты ваенных ВНУ бягуць 10-кіламятровы марш-кідок – іспыт на права насіць крапавы берэт. Мінскі раён, Беларусь. 4 лістапада 2014

3 месца, Сяргей Балай

Народнага паэта Беларусі Рыгора Барадуліна хаваюць на яго радзіме ў мястэчку Ушачы Віцебскай вобласці пасля цырымоніі развітання ў Мінску. Знакаміты беларускі паэт сышоў з жыцця 2 сакавіка на 80-ым годзе жыцця. Сотні чалавек прыйшлі развітацца і праводзіць у апошні шлях народнага паэта. Па завяшчанні паэта яго пахавалі на могілках ва Ушачах побач з магілай маці, на заходзе. Мястэчка Ушачы, Віцебская вобласць, Беларусь. 4 сакавіка 2014.
За сваё жыццё Рыгор Барадулін напісаў больш сямідзесяці паэтычных зборнікаў, каля трыццаці зборнікаў перакладаў, а таксама мноства артыкулаў і эсэ. Яго творы перакладзены прыкладна на сорак сусветных моў.

Штодзённае жыццё (сінглы)
Daily Life (singles)

.
1 месца, НЕ ПРЫСУДЖАНА

2 месца, Сяргей Гапон

Жаўнеры спецпадраздзялення МУС Беларусі бяруць удзел у іспыце на права насіць крапавы берэт ў вёсцы Волаўшчына, Беларусь. 4 лістапада 2014

2 месца, Яўген Ацецкі

Мінск рыхтуецца да Чэмпіяната свету па хакеі. 5 сакавіка 2014

3 месца, Сяргей Марозаў

Вёска Пятковічы, 35 кіламетраў ад горада Баранавічы. Мясцовая жыхарка каля хлява на фоне 28-мятровай статуі зубра каля трасы М1. 8 ліпеня 2014

Спецыяльная адзнака журы, Надзея Бужан

Рагачоўская сярэдняя школа № 4. Хлопчык з групы дзённага знаходжання для «праблемных» дзяцей у спартыўнай залі. Апроч кругласуткавых прытулкаў для дзяцей, у Беларусі з’явілася новая форма рэабілітацыі сем’яў – група дзённага знаходжання. Такога кшталту групы створаныя для таго, каб заняць дзяцей карыснай справай – падцягнуць паспяховасць, заняць нейкім хобі, прайсці курс заняткаў, навучыць дзяцей паводзіць сябе бесканфліктна. Сюды школьнікі трапляюць па розных нагодах – правапарушэнні, праблемныя сем’і, бацькі, якія п’юць. Рагачоў, Беларусь. 27 лютага 2014

Спецыяльная адзнака журы, Наталля Дораш

Мужчына і жанчына, якіх жыхары іх вёскі асуджаюць за сужыхарства без шлюба, прымаюць на прузе ракі Нёман таемства Вадохрышча, каб потым узяць шлюб у царкве.

Штодзённае жыццё (серыі)
Daily Life (series)

1 месца, Настасся Храловіч

«Наташа бачыць». Гэта праект аб Наталлі Кавалевіч, якая нічога не бачыць ад нараджэння. У яе цэрэбральны параліч і шэраг іншых дыягназаў. Нягледзячы на гэта, яна паспяхова скончыла гістарычны факультэт, і цяпер вучыцца на юрыдычным факультэце. Нягледзячы на ўсе цяжкасці, Наташа вельмі адкрытая і вясёлая дзяўчына. Яна хоча выйсці замуж, жыць ва ўласным доме і атрымаць добрую працу. Але ў Беларусі вельмі цяжка ўладкавацца на працу, калі вы інвалід – многія працадаўцы баяцца, што такія людзі не здолеюць справіцца з усімі абавязкамі.

2 месца, Паліна Рукавічкіна

Дзіцячы садок. Мінск, Беларусь. Красавік-травень 2014

3 месца, Надзея Бужан

«Соль зямлі».
Гэта гісторыя пра 77-гадовую жанчыну, з якой мне давялося пазнаёміцца падчас падрыхтоўкі рэпартажа пра разбураны храм у вёсцы Зэмбін (Лагойскі раён, Беларусь). Касцёл Узнясення Панны Марыі ў Зэмбіне – апошні аб’ект эпохі барока, пабудаваны на тэрыторыі сучаснай Беларусі. Некалькі гадоў таму каркас святыні нават збіраліся знесці, але, дзякуючы высілкам нешматлікіх каталікоў, мясцовых жыхароў і валанцёраў, зносу пакуль атрымалася пазбегнуць. Збіраючыся тут цягам некалькіх год, дабраахвотнікі прыбіраюць царкоўны цвінтар, паднімаюць надмогілкавыя пліты, якія зваліліся…

Алена Пятроўна – адна з нешматлікіх, хто памятае непашкоджаны касцёл. Разам з маці яна прыходзіла кожную нядзелю на набажэнства. Менавіта тады маленькая Алена адчула, наколькі вера моцна ўвайшла ў яе жыццё. Нават падчас жыцця ў Мурманску пры савецкай уладзе, якая не прызнавала царкву, жанчына знаходзіла час, каб прыйсці ў храм. Яна выхавала двух дзяцей і вярнулася ў родную вёску. Звыклая з дзяцінства да працы на зямлі, Алена Пятроўна і зараз трымае буйную гаспадарку, паспявае пасеяць і прыбраць ураджай, каб потым частаваць гароднінай сваіх госцяў, якім яна заўсёды адчыняе дзверы са шчырым сэрцам. А па нядзелях Алена, як і ў сваім дзяцінстве, пешшу ходзіць у Зэмбін, дзе непадалёк ад амаль разбуранага храма ў звычайнай драўлянай хатцы кожны тыдзень праходзіць набажэнства.

Партрэт (сінглы)
Portrait (singles)

1 месца, Уладзімір Грыдзін

Моладзевы актывіст Эдуард Лобаў у першыя хвіліны пасля вызвалення з калоніі, дзе прабыў 4 гады. Эдуард быў затрыманы за дзень да прэзідэнцкіх выбараў 2010 года. Мястэчка Ваўчыныя норы, Брэсцкая вобласць, Беларусь. 18 снежня 2014.

2 месца, Сяргей Балай

У сталіцу Беларусі прыехала адна з галоўных праваслаўных святынь – каўчэг з «Дарункамі вешчуноў». Каля дзесяцi тысяч вернікаў адстаялі шматгадзінную чаргу, нягледзячы на мароз у -12 С, каб дакрануцца да праваслаўнай святыні. «Дарункі вешчуноў» прыбылі ў Мінск з Санкт-Пецярбурга ў суправаджэнні манахаў афонскага манастыра святога Паўла, месца захоўвання рэліквіі. На здымку – жанчына грэецца ў аўтобусе пасля таго, як шмат гадзін стаяла ў чарзе да святыні.

2 месца, Яўген Ерчак

Вулічныя мастакі робяць першыя накіды партрэта класіка беларускай літаратуры Васіля Быкава на трансфарматарнай будцы ў цэнтры Мінска. Пазней яны будуць аштрафаваныя, а графіці зафарбаванае. Мінск, 16 чэрвеня 2014.

Спецыяльная адзнака журы, Алег Ігнатовіч

Браты Міша і Віця, якія працуюць грузчыкамі. Мястэчка Гарадзея, Беларусь. 30 кастрычніка 2014.

Партрэт (серыi)
Portrait (series)

1 месца, Максім Сарычаў

2 месца, Аляксандр Веледымовіч

«Фатографы»

3 месца, Аляксандра Салдатава
«Навука гэта…»
Сёння Нацыянальная акадэмія навук Беларусі – гэта змешванне двух зачыненых і незнаёмых для большасці светаў: увесь час зменлівых тэхналогій, выдумак, рашэнняў і як быццам застылага мінулага, «савецкасці» будынкаў і інтэр’ераў, у сутнасці сваёй ужо помнікаў архітэктуры. Я задала сабе пытанне, ці магу я паказаць, што такое навука, у шырокім сэнсе. Як паказаць гэтую дваістасць асяроддзя, у якой нараджаюцца ідэі, як растлумачыць маім «мадэлям», навошта я іх здымаю? Мае героі – супрацоўнікі Акадэміі на сваіх працоўных месцах. Не даючы часу на разважанні і падрыхтоўку, я задаю ім адно і тое ж пытанне: «Што такое навука?». Не атрымаўшы ніводнага адказу, які б паўтараўся, я, тым не менш, упэўненая, усё яны маюць рацыю, таму што пастаянны пошук, пастаяннае перавызначэнне, змена пункта гледжання і света, навука – гэта іх жыццё, а яны і ёсць навука.

Спецыяльная адзнака журы, Аляксандр Кладаў
Фотаздымкі былі зробленыя ў прыватным сектары і раёнах Мінска, якія яшчэ захавалі стары дух горада, але паступова знікаюць пад націскам новабудоўляў. Таксама ў серыю ўвайшлі фатаграфіі гарадскіх дзяцей, якія ўлетку жывуць
у вёсцы.

Спецыяльная адзнака журы, Юлія Назарава
Ёсць у нашай краіне кватэры, дзе час спыніўся. У іх павявае духам СССР. Чаму іх гаспадары, маючы магчымасці, аддаюць перавагу жыццю ў старых інтэр’ерах? Што прымушае іх здзьмуваць парушынкі з савецкіх сценак?

Традыцыi(сiнглы)
Traditions (singles)

І месца, Дзяніс Дзюба

Маладыя людзі слухаюць навагодні зварот беларускага прэзідэнта Аляксандра Лукашэнка. Мінск, Беларусь. 31 снежня 2014

2 месца, Сяргей Балай

Мінск адзначае Масленіцу.

Беларусы адзначаюць Масленіцу, свята праводзін зімы, у Музеі народнай архітэктуры і побыту Строчыцы пад Мінскам. Па традыцыі ў гэты дзень удзельнікі свята развітваюцца з зімой, танчаць, спяваюць народныя песні, ядуць бліны, удзельнічаюць у народных забавах і конкурсах. У канцы свята спальваюць вялікае пудзіла, якое сімвалізуе зіму. Мінск, Беларусь. 2 сакавіка 2014

3 месца, Сяргей Міхайлаў

Набажэнства ўжо скончылася, і ўсе вернікі падыходзяць да святара, каб пацалаваць крыж у яго руцэ. Здымак зроблены ў Хрыста-Калядным саборы Салігорска. Беларусь, 2014 год

Традыцыi (серыi)
Traditions (series)

1 месца, Сяргей Балай

Купальская ноч. Беларускія мужчыны і жанчыны святкуюць старажытнае паганскае свята ў сельскай мясцовасці непадалёк ад вёскі Кульнева, каля 280 кіламетраў ад Мінска. Падчас імпрэзы, паводле звычаяў, людзі носяць вянкі, скачуць праз вогнішчы, голыя купаюцца у рэках і азёрах. Кульнева, Беларусь. 22 чэрвеня 2014

2 месца, Аляксей Столяраў

Містыка ў традыцыйных абрадавых масках-вобразах беларускага Палесся.

3 месца, Ігар Матвееў

«Пахаванне дзеда». Народны абрад у першы дзень Масленіцы распаўсюджаны ў некаторых паселішчах Гарадокскага раёна Віцебскай вобласці. Пазначае развітанне з зімой. Праходзіць у выглядзе жартоўных пахаванняў, дзе ў ролі “нябожчыка” выступае лялька “дзеда”. З «нябожчыкам» развітваюцца, затым выносяць яго на «цвінтар», пасля гэтага жыхары сяла садзяцца за памінальны стол. Абрад занесены ў спіс нематэрыяльнай гісторыка-культурнай спадчыны Беларусі.

Мастацтва ды забавы (сiнглы)
Arts and Entertainment (singles)

1 месца, Уладзімір Грыдзін

Людзі танчаць і кідаюцца саломай падчас традыцыйнага летняга фэста Камяніца. Вёска Азярцо, Мінскі раён. 6 верасня 2014

2 месца, Яўген Ерчак

Аздобныя працы ў новым будынку музея Вялікай айчыннай вайны. Мінск, 6 сакавіка 2014

3 месца, Яўген Ерчак

Артысты эксперыментальнага тэатра EYE паказваюць спектакль «Дон Кіхот» ля сценаў гарадской ратушы на закрыцці II Мінскага форума вулічных тэатраў. Мінск, 14 верасня 2014

Спецыяльная адзнака журы, Аляксандр Саенка

Дзіцячы царкоўны хор на канцэрце ў праваслаўнай царкве. Гродна, Беларусь. 2 траўня 2014

Мастацтва ды забавы (серыi)
Arts and Entertainment (series)

1 месца, Алег Ігнатовіч

Горад Нясвіж. Артысты цырка падчас гастроляў па гарадах Беларусі. Нясвіж, Беларусь. 27 верасня 2014

2 месца, Антон Мартысевіч

Агністы дождж у Мінску. 15 лістапада 2014

3 месца, Сяргей Балай

Апошні канцэрт групы «Ляпіс Трубяцкі».
У канцы жніўня 2014 году знакаміты беларускі рок-гурт «Ляпіс Трубяцкі» даў развітальны канцэрт у Вільнюсе. Як было абвешчана за некалькі месяцаў да гэтага, з 1 верасня гурт «Ляпіс Трубяцкі» спыніў сваё існаванне. У сувязі з тэматыкай песень выступы гурту «Ляпіс Трубяцкі» былі забаронены ў Беларусі і прыхільнікі змушаныя былі ездзіць на канцэрты сваіх куміраў у Вільнюс і Кіеў. На апошні развітальны канцэрт 23 жніўня ў Вільнюс прыехалі тысячы беларускіх фанатаў гурта.

Спецыяльная адзнака журы, Яўген Новак

Аматарскі эксперыментальны тэатр-студыя «Бочачка». Акцёры рэпетуюць у памяшканні, прадстаўленым гарадскімі ўладамі. Яны развучваюць і чытаюць ролі, рэпетуюць з харэографам. Здымкі праходзілі ў снежні 2014 года. Гродна, Беларусь

Спорт (сiнглы)
Sports (singles)

1 месца, Уладзімір Грыдзін

Віталь Гуркоў размінаецца перад трэніроўкай у залі, які размешчаны ў паўпадвальным памяшканні. Віталь – неаднаразовы чэмпіён свету па тайскім боксе і кікбоксінгу. Мінск. 9 верасня 2014

2 месца, Мілана Харытонава

Удзельнікі міжнароднага турніра па спартовай акрабатыцы памяці заслужанага трэнера СССР, прафесара Уладзіміра Коркіна. Брэст, Беларусь. 24 кастрычніка 2014

3 месца, Сяргей Балай

6 снежня ў Мінску адбыўся Адкрыты кубак Рэспублікі Беларусь па чырлідынгу. Спаборніцтва на прыз міжнароднага ўніверсітэта МІТСО праходзіла сярод студэнтаў вышэйшых навучальных устаноў. Кубак праводзіўся ў чацвёрты раз і сабраў лепшых прадстаўнікоў гэтага выгляду спорта. 9 каманд з вышэйшых навучальных устаноў з Мінска і рэгіёнаў прадставілі свае конкурсныя праграмы. Каманда Беларускага дзяржаўнага ўніверсітэта фізкультуры “Начныя ваўкі” перамагла ў катэгорыі CheerteamCoed (выступ каманды са змяшаным складам). Мінск, Беларусь. 6 снежня 2014.

3 месца, Іван Уральскі

Каманда Латвіі абгуляла каманду ЗША з рахункам 6:5 у матчы Чэмпіяната свету па хакеі 2014 года на Мінск-Арэне. Мінск, Беларусь. 15 траўня 2014

Спецыяльная адзнака журы, Таццяна Зяньковiч

Удзельніца конкурсу па фітнэсе і бодыбілдынгу грымуецца перад выступам на спаборніцтве ў Мінску, Беларусь. 18 красавіка 2014

Спорт (сiнглы)
Sports (singles)

1 месца, Дзяніс Дзюба

Ігар – баксёр з Беларусi, які жыве і спаборнічае ў Бангкоку, Тайланд.

2 месца, Уладзімір Грыдзін

Чэмпіянат па футболе сярод сляпых і гульцоў, якія блага бачаць. Яны не бачаць адзін аднаго, не бачаць мяч, не бачаць браму і сцены. Але яны чуюць мяч, які выдае гук. Падчас гульні, калі сляпы футбаліст валодае мячом ці атакуе іншага гульца, ён павінен крычаць «Бой!».
Ім трэба 2 гады, каб прызвыкнуць да сцен і арыентавацца на полі. Адзіны, хто бачыць у камандзе – гэта брамнік.

3 месца, Кірыла Хілько

«Скалы ў склепе»
Скалалазанне ў Беларусі не з’яўляецца выглядам спорту, які прыцягвае ўвагу службоўцаў ці прыватных фундатараў. Заваяванне стромых вяршынь у нашай краіне – доля энтузіястаў. Нешматлікія беларускія скаладромы функцыянуюць пры спартовых школах, турыстычных цэнтрах і знаходзяцца ва ўласнасці дзяржавы. Для гэтых аб’ектаў не будуюць адмысловых памяшканняў, а выкарыстоўваюць дасяжныя пляцоўкі. Так, у Мінску існуе скаладром, размешчаны ў склепе звычайнай пяціпавярховай «хрушчоўкі» – месца для скаладрома здаецца зусім неймаверным.

Кадры, якія ўвайшлі ў фотаэсэ «Скалы ў склепе», былі зроблены падчас трэніровак па скалалазанні ў турыстычным клубе «Геліёс» у лістападзе 2014 года. На момант падачы на конкурс «Прэс-фота Беларусі» фотаэсэ не было апублікавана.

Спецыяльная адзнака журы, Антон Дацэнка

Бодыбілдынг беларускіх ускраін.

Прырода (сiнглы)
Nature (singles)

1 месца, Міхась Капычко

Белая чапля на беразе ляснога возера. Магілёўскі раён, Беларусь. 11 ліпеня 2014

2 месца, Дзяніс Дзюба

Нераспрададзеныя на навагодніх кірмашах елкі зваленыя ў Севастопальскім парку. Мінск, Беларусь. 3 студзеня 2014

3 месца, Віктар Гіліцкі

Мінакі і адпачывальнікі на схіле берага ракі Заходняя Дзвіна, якая праходзіць праз цэнтр Віцебска. Дзвіна з’яўляецца адной з самых вялікіх суднаходных рэк на тэрыторыі Беларусі. 12 ліпеня 2014

Прырода (серыi)
Nature (series)

1 месца, Ганна Іванова

Адно з незвычайных месцаў Беларусі, створанае дзейнасцю чалавека – тэрыконы пад Салігорскам. Лістапад 2014

2 месца, Павел Восіпаў

«Сацыяльны ландшафт»

Сацыяльны пейзаж – візуальнае даследванне межаў сацыяльнага краявіду, пошук прыроднага і чалавечага вытокаў, сінтэз і іх узаемапранікненне ў адной плоскасці. Сацыяльнае і натуральнае – эстэтычныя катэгорыі, якія тут суіснуюць адначасова ў звыклай паняційнай прасторы. У нейкі момант гэта мяжа відавочная і асэнсаваная, а ў нейкі яна стаецца настолькі тонкай, што уцякае ад гледача. Сімбіёз такіх супрацьлегласцяў і складае эстэтыку сацыяльнага пейзажа. Гэта краявід у краявідзе, дзе логіка і ўзаемасувязі і ёсць сацыяльная катэгорыя. Чалавек у гэтым пейзажы заўсёды дваісты і пасрэдны. З аднаго боку, ён малазначны, незаўважны і другасны, а з іншага – гэта і есьць мяжа і кропка адліку.

3 месца, НЕ ПРЫСУДЖАНА

Адкрытая намiнацыя / Украiна (сiнглы)
Open nomination / Ukraine (singles)

1 месца, Сяргей Гапон ( Беларусь )

Святар трымае крыж і шчыт падчас сутыкненняў паміж антыўрадавымі дэманстрантамі і паліцыяй у цэнтры Кіева. 20 лютага 2014

2 месца, Аляксандр Васюковіч ( Беларусь )

Святары моляцца, стоячы паміж міліцыяй і пратэстоўцамі, якія майструюць барыкаду з покрывак. Барыкады з падпаленых покрывак шырока выкарыстоўваліся падчас пратэстаў ва Украіне каб спыніць міліцыю. Кіеў, Украіна. 24 студзеня 2014

2 месца, Яўген Малалетка ( Украіна )

Рэйс MH17 авіякампаніі MalaysiaAirlines быў збіты 17 ліпеня 2014 году ў раёне сяла Грабове, Данецкая вобласць, Усходняя Украіна. 298 пасажыраў і чальцоў экіпажа загінулі.